27 кастрычніка 2023 Баранавіцкі ЦСМС прыняў удзел у семінары «Новыя магчымасці для бізнесу», праведзеным на базе Бярозаўскага райвыканкама для прадпрыемстваў прамысловасці і бізнесу.

У выступленні начальніка аддзела стандартызацыі і сертыфікацыі Людмілы Кісель былі ўзняты актуальныя пытанні з вобласці стандартызацыі, ацэнкі адпаведнасці і сістэмнага менеджменту.

Арганізацыі Бярозаўскага рэгіёна былі азнаёмлены са стратэгіяй развіцця стандартызацыі Рэспублікі Беларусь, у тым ліку планам дзяржаўнай стандартызацыі на 2023 год і праектам плана дзяржаўнай стандартызацыі на 2024 год, запрошаны да ўдзелу ў дзейнасці тэхнічных камітэтаў па стандартызацыі.

Агучаны праблемныя пытанні прымянення заяўнікамі тыпавых узораў для правядзення выпрабаванняў у мэтах фарміравання доказнай базы для прыняцця дэкларацый аб адпаведнасці.

Асаблівая ўвага была ўдзелена ўкараненню стандарту СТБ ISO 37001-2020 «Сістэмы менеджменту барацьбы з хабарніцтвам. Патрабаванні і кіраўніцтва па ўжыванні» на прадпрыемствах, якія жадаюць стварыць у сябе сістэму антыкарупцыйнага менеджменту.